Guerlain Parure Extreme Luminous Extreme Wear Foundation SPF25

Для русского языка сюда

Guerlain deyir:  Suya davamlı - rəngini dəyişməyən, üzünüzə canlı parlaqlıq bəxş edən  SPF 25 tərkibli tonal krem? Bu möcüzələrə Parure Extreme ilə sahib ola bilərsiniz. Heçnədən asılı olmayaraq Parure Extreme ilə səkkiz saat ərzində dəriniz rəngini dəyişməyəcək, mat amma canlı parlaqliğını itirməyəcək. Onun parlaq və təbii görünüşü dərinizdəki ləkələrin, kiçik sizanaqların və məsamələrin də gürünməsini minimuma endirəcək. Guerlain Parure Extreme ilə dəriniz gün ərzindəki temperatur dəyişikliklərinə hazırdır. Bu parlaq bir həqiqətdir. © Dju

Mənim fikirlərim:  

Mağazaya başqa tonal krem üçün gedirdim, amma  konsultant yeni bir şey tapdı :) Kremi əlimdə test etdim (həmişəki kimi üzümdə makiyaj olduğu üçün alınmadı) Əlimə çəkən kimi onu alacağıma artıq əmin idim! Uyğun rəngi (Beige clair No 2) seçdim və üz tutdum kassaya :) Kremin tərkibində SPF25-in də olması cox yaxşı oldu (dərimizi günəşin zərərli şüalarından qoruyacaq).Gəlin daha ətraflı.

1.Flakon: Gözə çarpan ilk şey təbii ki tonal kremin flakonudur. Həmişə Guerlain markasının dizaynını bəyənmişəm, bu dəfə də çox razı qaldım. Əldə tutulması zövq verən dəbdəbəli qızılı flakon və çox rahat dozator (Az.-ca tərcüməsini bilmirəm, kömək etsəniz sevinərəm).

2. Rənglər: Bildiyim qədər 8 rəngdə istehsal olunur.  Ambre clair 1,  Beige clair 2,  Beige naturel 3, Beige moyen 4, Beige fonce 5,  Rose naturel 13 Dore naturel 23,  Beige pole 32.  Bizdə Bakıda deyəsən 4 rəngdə satılır. Biri çox açıq (dəqiq bilmirəm ambre clair yoxsa rose naturel), mənim rəngim beige clair, orta rəng beige naturel və tünd rənglərdən biri (səhv edirəmsə düzəldin) Açıq, rəngi çəhrayıya çalan dərilər üçün Rose naturel 13 ideal variantdır. Ən yaxşı neytral açıq bej Beige clair 2 (mənim üçün qış sezonuna idealdır). Yay fəsli üçün isə (dəriniz qaralanda)  Beige naturel 3 və ya Beige moyen 4 istifadə etməyinizi məsləhət görərdim. Mulatkalar :) Beige naturel 3 və ya Beige moyen 4, həmçinin digər tünd rənglərdən istifadə edə bilərlər(dərinin tonundan asılı olaraq). Bu da sizin  rəngləri görə bilməyiniz üçün tapdığım swatch. Hamısı uyğun gəlmir, çünki ölkələrin rəng çalarları seçilir, amma ən yaxın bu şəkil oldu.

3. Örtmə qabiliyyəti: Orta-maksimal. Dozatora 1 və ya 2 dəfə basmağınız kifayət edir. Krem axıcı olduğu üçün üzə rahat yayılır. Kistlə və barmaqla çəkmişəm, iki halda da yaxşı alınıb.

4. Üzdə görünüşü: Mat-atlas. Üzdə maska kimi görünmür, bilinmir. Dəri işıldayır.

5. Davamlılığı: Yaxşı. Mənim dərim çoooooooox yağlıdır, demək olar ki, 1-2 saatdan sonra parıldamağa başlayır. Mənim üzümdə pis dözmür :) (üzərini biraz pudralayıram). Hardasa 4 saatdan sonra parıldamağa başlayır, amma qorxulu deyil. Məncə bu kremin yox mənim həddinden artiq yağlı dərimin günahıdır :).Telefonun üzərində ləkə qoymur. İncə qatla dərinizə çəksəniz problem olmaz, amma qalın çəksəniz mimik qırışları və s. göstərə bilər.

6. Hansı dərilər üçündür : Normal-qarışıq və yağlı. Quru dəri üçün deyil məncə, tərkibindəki spirt dərinizi quruda bilər.

Mənim nümunələrim:
                                                                          flakon

                                                                          əldə

                                 və üzdə,realda belə qorxulu görünmürəm, hamısı yaxın çəkilişin günahıdır :) (şəkildəki imzaların rusca olmasını bu dəfə üzrlü hesab edin)

Qiymətləndirmə:

Flakon:              5-dən  5

Örtmə qab.:       5-dən 4 (düşünürəmki hələ ideal deyil)

Üzdə görünüşü: 5-dən  5

Davamlılığı:       5-dən 4 (yay üçün biraz zəifdir)

Qiyməti: Bakıda təxminən 52-55 manata almışam.

Bir də alacağammı? ola bilər (amma eksperimentləri xoşlayıram:))